على ذلك الرصيف

موضوع: على ذلك الرصيف الأحد يناير 23, 2011 12:00 pm

على ذاك الرصيف أسهر وأنادي بكل الجنون القار..
أكلــم شــارع خـــالي ســواده من سـواد الليـل..
ترى ماهو فلـس ولا بقلـبي قلت الأشعـار..
ولكن واقعـي يفرض علي أكتـب بـلا تعــديل..
أنا راح العقــل مني وعنــدي للجنــون أعـذار..
معاناتي إذا بــوصف يفــوق الوصـف والتعليــل..
من اللي قــد وقف مثــلي يواجه لعنــة الأقـــدار؟!
رضى يبقى ويتحمل ...عشر أضعاف همه يشيل ..
من اللي ثبــت أقـــدامه يقـــاوم شـــدة التــيار؟!
ويعرف أن النخــل وهو النخل راح وجرفه السيل..
من اللي حب له طفله وحـلم من يوم كانوا صغار..
يتـــوج حبــه بفـــرحه وأمـــه تحضنــــه بتهليـــــل..
يمر الوقــت وسنينـــه تمـــر ويستـــوون كبــــار..
ويتغرب لجل حلمه يسابق كل شباب الجيل..
ويــــرجع رافع راســه بعـــد ما صـــار هـو طـيار..
وبقى من حلمه الوردي زفاف يرفض التأجيل..
يجيهــا يقـول حان الوقت تعالي نكشف الأسرار..
طفــح كيل الصــبر ماعاد في صبري وصـبركـ كيــل..
ويـــذكرها بوقت صــار مع مر الزمن تذكار..
بأيام الطفــوله يــوم يغــــرقها غـــلا وتـــدليل..
يمازحها وتـــردد له (ترى الكذاب يروح النار)..
يجافــيها وتهمــس له (أعرف أن الجفا تمثــيل!)..
وتــــدمع عينهــم لثنــين يهلــون الدمع مـــــدرار..
ترى الذكـــرى ولو حلــوه طواريها تهــد الحــيل..
وتسرح في وسط عينه ..تفكر .. ترتجف..تحتار..
يسألهـــا عسى ماشرــ؟ ويطــيح من أيديها المنـــديل..
وتنزل عـــالركب وتقــــول تسامحني على اللي صار؟
حشـــا والله ماخنتــــكـ ولكنــــه حصــل تبــــديل..
تراها غيبتـــكـ طالـــت وتـــدري وقتنــا غـــــدار..
كـــبرت وخفــت تتـــأخر وخـير البر بالتعجيــــل..
ويشهق يلمــــح الخاتم ..يحــس القاع تحته دار..
ولا يستـــوعب المــــوقف بليا شرح أو تحليــــل..
يســـود الصمت..ولاكلمــه ونظره كلها استنكار...
شلل صاب اللسان وصاب كفين العتـــب تكبيل..
دقيقه تمر..طعمها مر..نهاية عمر..موت أزهار..
خسارة حب ..ضياع فدرب..نار تشب..عذاب و ويل..
ويسرــح لو بعيــده تهـــون ولكـــن كيـــف بنت الجـار..
ويكـــسر صمتـــه بصرخه تعــــدت في مـــداها سهيــــل..

ويفقـــد وعــــيه ويــــنزل على قـــاع الثرى منهـــــار..
مصيبه كيف يتحــمل؟! ترى ما بالأمر تسهيل..
مابينـــــه وبين غرفتهـــا ...ممـــر ونخــله وجـــدار..
وهــــذا اللي يعــــذبه و يـــزود طينــــه بتبليـــــل..
يشوف اللي سرق عمره سكن وياها نفس الدار..
غــــدى جــــار وله حــق نــــزل في محكم التـــــنزيل..
ويتخيــــله يغــــازلها ويقــــول أنـــه علـــيها يغـــــار..
ويتردد صـــدى همسه ولمســه وضحكه وتقبــــيل..
يناظـــر دارها وفـــكره ورا ذيــكـ الستــاير حار..
وشبـــاكـ الهـــــوى عتمــه بعــد مـــازادوا التظلـــيل..
يقــــرر زوجها يبـــني ويـــرفع مســـتوى الأسوار..
ويتــــصرف على كيفــــه عنــــده منهـــم توكيـــــل..
ومكســور الجناح اللي بلا ذنب يذوق أمرار..
يصارع حسرته ويجـــر بعد ذيـكـ الهـــزيمه ذيل..
يفكر كيــف طاوعهــا الضـــمير تكـــون شي ضار..
بعد ما كانت لعمـــره عمر يحســـب مــداه طويل..
خـــذت كل مابقي منه ومن عقله خــذت الأفكار..
وبــــرواز الــــوعد مايل خـــــذته تخـــاف قال وقيل..
عطت بـــروازه لغــيره وخلت في الحشــا مسمار..
وآخــــر كلمـــه قالتهــــا رجـــاءا مــــاأبيك تعيــــل..
ورد بكل غضب يسأل تحسبيني من أهل الثار؟!
أنا وقــــتي غـــــدا ملــــــكي ولا يتحمــــل التعطيــــل..
وداع الله وإذا بعــــدكـ مــــرض ايماني العـــطار..
أنا لي رب ما يهمــــل بقـــــرا كتــــابه بترتيـــــل..
وإذا كانت مســـــافات المنازل بينــنا أشبار..
لخليها سفـــــر أيام وأســـاوي كل شبر بميــل..
وإذا قالوا علي مجنون أو ملبوس أو صابه زار..
لناجي شـــارع خــــالي لوحده في تـــــوالي الليــــل..
بقـــول أن الجنــــون أرحم كتبـــت من الجنـــون أشعار..
وصــــدق شعــــري يتحــــدى الذي قـــال الشعــر تمثيــل..
وأعـــيش العمر أرددها (ترى الكذاب يروح النار)..
براءة كانـــت الجمــــله ولكــــنه حصـــــل تبـــــديل..

العفو

سلمت يداك ايها الرائع باختياراته
تقبل مروري المتواضع