رافضة اسامح محاكاه

]

بعد طول العمر كله
شوق ولهفة وخوف عليك
بعد قلبى ما ساب مكانه
واستخبى مابين عينيك
بعد سهرى ف الليالي
بعد حيرتى وانشغالى
شوفت جرح كبير ف روحى
للأسف.. كان من ايديك
كنت طول العمر راهبة
كان ف قلبك معبدي
لو أضل ف ثانية واحدة
جوه منك.. أهتدى
كنت ف الأيام بعافر
وف عيونك كنت اسافر
لما قلبك بيّا كافر
ليه طلبت إيمانى بيك
مش حسامح
بعد غدرك
بعد هجرك
بعد كدبك
مش حسامح
ياللى قلبك دقه جارح
مهما تبكى
مهما تندم
مش هصدق تانى واحلم
مش هكونلك من جديد
قلبى رفرف بره كونك
مل م القيد الحديد
مهما تحلف
مش هصدق
مهما تندم مش حسامح
ياللى جاى وعايزنا نبدأ
وانسى غدر ف ماضى جارح
مش حسامح
واما تيجى لحدى راكع
رافع الراية بايديك
راح يبانلك
قلبى آمن بره منك
بس عندك
قلبى أعلن كفره بيك
مش حسامح

» خايف اسامح واندم