اقرأ وشوف واستمع

أطفال تحت الهدم وشيوخ فى بحر الدم


وشباب بغدر انعدم مالقاش ضمير يهتم


وعجوزه واقفه تنوح فى ايديها صوره جدع


غرقت سفينه نوح أه يا زمان البدع


وصبيه زى البدر عالارض مرميه


قسمتها دانة غدر ويا دى العجب حيه


وكهل ضرير بيزحف جسمه مسرح ضلوع


والمشهد لدم بينزف ولسه الستار مرفوع


لافتات لها العجب منحوته بالمدفع


وصور تذل العرب واقرأوشوف وأسمع


ارهابى حكم وفجر ومعاه شارون سياف

[]وادى فلسطين أحتضر من أيه يخاف]

كانوا العرب فرسان بالفتنه صبحوا عبر


ولحد فين ياعرب راح ننسى وحدتنا


كده راح يصيبنا العطب وتضيع قضيتنا


يا أتحاد الامم يا ضمير الرأى العام


عضوية اللى ظلم تجميدها مش إعدام


واقرأ**وشوف**واسمع